كان فيه واحد جاي من وادي الدواسر
وده يتفرج على السيول في صبخة القصب
اللي تجيك قبل القصب على اليسار وانت جاي من الرياض
المهم الرجال وقف سيارته على جال البحيره ونزل يتمشى
مادرى الا الماء وصل موتره
حاول يطلع لكن ما امداه
كفراته صارت تدور في الطين
المهم ترك موتره يمرح يوم جا الصبح ويفزع له راعي حراثه
حاول يسحب الجيب لكن صارت هذي النتيجه
ومن جهة أخرى
تلاحظون الزمزميه ؟؟
شكلهم وسعوا الصدر عند الحراثه
مسيكينه هالحراثه
راحت فيها
هالحين الحراثه تقول
طلعوووووني وش لقفني اجي فيذا
المهم أشروا لراعي شآحنه على الخط وجا يبي يسحب الحراثه
اللي جاي اصلآ تسحب الجيب
وكانت هذي النتيجه
وهذي صورة ثانيه ولاحظ قرب خط الزفلت
وعرفوا ان الموضوع يبي يطول والدليل ترمس المويه!!
قالوا مابدهاش لازم نجيب شيول عشان يسحب الشاحنة الي جت تسحب الحراثة الي بغت تسحب الجيب
لكن شوفوا وش صار
وكانت هذه النتيجه
من شفت الطاسه اللي حاطها ورى واناغاسل يدي
قامت الحراثه تضحك
قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصرية لانها عايشة بين صعايده
المهم قالوا الحل الأخير هو الاتصال بالدفاع المدني
وفعلا جا الوايت حق الدفاع المدني عشان يسحب الشيول الي جاء يسحب الشاحنة
الي جت تسحب الحراثة الي بغت تسحب الجيب علشان يسحب هاللي غاطسين
وشوفوا وش صار
وتركو الجيب والحراثه والسقس والدركتل
وحاولوايطلعون الوايت
شكل السواق توهق وانواع الجزاءات بتطبق عليه
وحاولوا كثيراً بدون فايده
يوم انهم عجزوا قالوا ما يفل الحديد الا الحديد
جيبوا ابو جنزير
ويجيك يتمخطر ويضحك على هاللي غاطسين
طبعاً جابوه ليش
اتحداك تقولها
يالله مع بعض
جاء ابو جنزير يسحب الوايت الي يبي يسحب الشيول الي يبي يسحب الشاحنة
الي تبي تسحب الحراثة الي جت اساساَ عشان تسحب الجيب ….شاطر
لكن جاه ماجاربعه
تعلق اخينا في الله وقال هذا مكاني
وجابواعمال البلدية يحفرون له وحطو له خشب يبونه يطلعلكن ما فاد
وبعد مااستفادو من الدرس اللي تكرر عليهم في الجيب والحراثه والسقس والدركتل والوايت وابوجنزير
قررو يسحبونها من بعيد
ربطوا عدة وايرات في بعض وطلعو ابو جنزير ويقواون ان الدركتل اللي سحبه على الزفلت
هههههههه الصبخة ما يلعب معهاعلى الزفلت وعساك تسلم
ثم سحبو الدركتل
والحمدلله على السلامه
هذي صورة للموقع من بعيد
يستفاد من الموضوع
1- لاتهايط اذا شفت السيل
2- حاول تستفيد من اللي توهقوا قبلك
مهوب كل من اتصل بالدفاع المدني يبي يطلع3-
ليست هناك تعليقات:
إرسال تعليق